مسكينة جابوها من العروبية
صندلة الميكا والطابلية
صغار في ستة سبعة تمانية
لا مدرسة لا تربية
لو كان غير يطفى الضوء شوية
ونشوفوا بظلام البادية
جمال وراحة طبيعية
جمعت كنوز الدنيا
كاين في الناس اللي مبلية
بنعناع البروج الكتامية
كيسان ما قراو غريبية
والحقراطية
هدا دين جديد ولا معجزة؟
ولينا عبيد للأجهزة
وللبرامج المخرمزة
حسابات مالية
بكري الناس بالدين تجمعوا
واليوم بالالكترونيك تخلعوا
قدام التلفزة ولاو يركعوا
مشكلة عالمية
شحال من كتاب منسي في الدار
وشحال من جيران جاروا بالعار
أصحاب اليمين وأصحاب اليسار
حملة انتخابية
شحال من موسيقي ولا نجار
وشحال من بوليسي ولا جزار
وشحال منهم ما جايب أخبار
حالات اقتصادية
كاين تشعويد في كل دوار
حتى في القارين والناس الكبار
فقيه عزام في حصير الحضرة
تبدل صمغ الدواية
شوف عينها مكتوب اللغز عليها
حروف موشومة من بكري اللعب نساها
كيف ريح البادية غير مجراها
كيف ورد الساقية يميل معها
شوف شوف شوف
شوف شوف شوف
كاين العمال والإدارة
كاين الأطفال والحجارة
كاين القانون والمسطرة
شكون فينا الضحية
كاين كولشي في الدنيا
حقوق الانسان والحرية
ديمقراطية والنيح
والرحمة مازالة شوية
شوف عنيها مكتوب اللغز عليها
حروف موشومة من بكري اللعب انساها
كيف ريح البادية غير مجراها
كيف ورد الساقية يميل معها
شوف شوف شوف
شوف شوف شوف
Español
Comments RSS Feed