SONGS

زفتلي الطريق

20 أبريل , 2016   Video

زفتلي الطريق




ميشيل ونويل كسرواني – لبنان

زعيمي بيخلّي الدني تتلّج بالصيفية
تصوّرت عم نزّله الليستا متل ما هيي
هلق صحيح ما زبط شي من كل خططه الذكية
ولا قدر ينفذ شي من كل أقواله الوفية
بس قلبه كتير طيب!
ومهم عنده النية، ومهم عنده النية
زعيمي ع قلبي فات
أنا عنه ما بتخلى
أنا شلت شهادتيمن الحيط ،
وعلت صورته محلها
بيكذب؟ عمول معروف!
هالحكي أنا ما بقبل
هوي بغيير الحقيقة
وممنوع تسأل أو تتدخل
بيسرق؟ عمول معروف!
هالحكي مش مقبول
هو بياخد عن عطول
الإشيا وبلا ما يقول
أنا حزبي…3
بيتضمن مبادئ مهمة
وإليها قيمة
متل السيادة والحرية
وغير إشيا كتير عظيمة…
هلق ما بعرف شو هوي
مضمونها عالمزبوظ
بس أصلاً بالتفاصيل
أنا ما بحب أفوت
خلّي زعيمي هوي يقرر،
أنا انتخبته ت يقرر عني
وخلّي زعيمي هوي يفكر،
وأنا بهيصله وبغني
هلق صحيح… صحيح
انتخبته ت يخدمني
قام خدعني… وصحيح
انه ضل عم بيمثل
ت تمثيله صار يقنعني
صحيح.. صحيح
فوّتني بديون، جبرني إرهن البيت دمّرلي مستقبلي وفوّتني بالحيط قرّفني حياتي وقرّفني السياسة وعدني ونِساني ونسّاني إنه نساني…صحيح بعد الدمار نسي كل شي صار طلع على المنبر وغيّر الشعار نسي كل اللي ماتوا، نسي كل اللي قصوا نبش عالناس الصغار وجمعهن كلن حده… صحيح عطاني الخيار وعطاني الحرية، حرية انه وافق عالإشيا ومتل ما هيي وإذا اعترضت ع شيء بيكبني للأسودي ولو متت بسبيله ما بيعرف بوجودي
بس بعدني بحبّه مع كلّ هالمشاكل،
لأن بالمقابل لأن لأن المقابل
زفّتلي الطريق زفّتلي الطريق زفّتلي الطريق
أنا الوحيد اللي بالحي… وبالانتخابات وزّع ببلاش كاسكيت حلوة ملوّنة مع قنّينة مي
زفّتلي الطريق زفّتلي الطريق زفّتلي الطريق
أنا الوحيد اللي بالحي… وبالانتخابات وزّع ببلاش كاسكيت حلوة ملوّنة مع قنّينة مي
لبنان قلعة شامخة
وبتضلها شامخة
وأكبر موجه ما بتوصل ل لبنان
ولا فيها اتهدها للقلعة
ولبنان…
والأرزة…
ونحنا كلنا إيد وحده
ونحنا هون لنرجع الأمل ل لبنان
زفّتلي الطريق زفّتلي الطريق زفّتلي الطريق
أنا الوحيد اللي بالحي… وبالانتخابات وزّع ببلاش كاسكيت حلوة ملوّنة مع قنّينة مي

Español

, ,

By



Comments are closed.